كشفت الفنانة والإعلامية زهرة رامي خلال لقاء علي تليفزيون اليوم السابع، عن طبيعة أعمالها ومشروعاتها المقبلة، مؤكدة أنها تحرص دائمًا على العمل في أكثر من مجال فني وإعلامي، لافتة إلى أن التمثيل كان بدايتها قبل دخولها مجال التقديم والإذاعة.
عرض المحتوى المنشور على facebook ↗وقالت زهرة: «أنا طول الوقت تلاقيني بتنقل من كل حتة بسبب شغلي وأكل عيشي، وأنا بحب كل حاجة، الغناء والإذاعة والتمثيل، وأنا أصلاً ممثلة قبل ما أكون مذيعة من وقت الجامعة، ومبطلتش أشتغل حاجة، وطول الوقت تلاقيني بتنقل بين كل حاجة».
وعن أعمالها الفنية المقبلة، أوضحت زهرة أنها لا تستطيع الكشف عن تفاصيل مشروعاتها الجديدة في الوقت الحالي، قائلة: «بخصوص أعمالي القادمة كل اللي أقدر أقوله خير، مفيش حاجة أقدر أتكلم عنها، وأنا أصلاً بحب أشتغل طول الوقت سواء إذاعة أو أفلام أو تليفزيون، وبركز في كل حاجة مش حاجة معينة».
وأشادت زهرة ب مهرجان «ميدفيست – مصر» ، مؤكدة أن حضورها للمهرجان ليس المرة الأولى، وأنها تحرص على متابعته عامًا بعد عام، لما يقدمه من أعمال وقضايا مهمة.
وأضافت: «ودي مش أول سنة أحضر مهرجان ميدفيست مصر، وكل سنة بيفاجئوني إنهم بيعملوا حاجات حلوة قوي، لكن أنا أكتر حاجة بحترمها فيهم إن بيكون في أفلام حلوة قوي دايمًا ومواضيع مهمة، وبيكون عندهم شراكات طول السنة مع مهرجانات مهمة، وبيلفوا المحافظات ومش شغالين على 4 أيام المهرجان فقط».
واختتمت زهرة حديثها معربة عن أمنيتها في مواصلة حضور فعاليات المهرجان خلال السنوات المقبلة، قائلة: «أتمنى أحضر دايمًا المهرجان بتاعهم».
التعليقات