محدش قدر يطلع لهم.. شاهد عيان يروي كواليس حريق العمرانية

محدش قدر يطلع لهم.. شاهد عيان يروي كواليس حريق العمرانية

كشف عادل أبو اليزيد، شاهد العيان على حريق عقار العمرانية ، تفاصيل الساعات الأولى للحادث، مؤكدًا أن الدخان الكثيف منع الأهالي من الوصول للأسرة العالقة داخل الشقة.

شاهد عيان عن حريق العمرانية: الأم كانت تستغيث.. والطفلة سقطت من الطابق السابع

وقال خلال لقائه مع الإعلامية نهال طايل، ببرنامج "تفاصيل" على قناة "صدى البلد 2": "كنت نايم، ومراتي صحتني وقالتلي: اصحى فيه حريقة، افتكرت في الأول إنها عندنا، لكن قالتلي لأ.. في البلكونة اللي قدامنا".

وأضاف: "لما بصيت لقيت الناس كلها متجمعة بتحاول تنقذهم، لكن الدخان كان مالي العمارة من الدور الرابع لحد السابع، ومحدش قدر يطلع".

وتابع: "أول عربية مطافي وصلت كانت من غير مياه، وبعد حوالي ربع ساعة جت عربية تانية، والحمد لله قدرت تمنع النار توصل للشقة اللي فوق".

واختتم قائلًا: "المنظر كان صعب جدًا، والنار كانت قوية، وكل اللي حاول يطلع وقف عند الدور الرابع.. محدش عرف يوصل للدور السابع".