هانى رمزى: لم أخطئ فى حق الأهلى حتى أعتذر

تحدث هاني رمزي نجم الأهلي ومنتخب مصر السابق، عن تصريحاته الأخيرة التي أثارت جدلا واسعا ضد مجلس إدارة النادي الأهلي.

وقال رمزي، في تصريحات مع سهام صالح عبر برنامج الكلاسيكو: "مستحيل أطلع وأقول تسريبات أو أقول أسرار جوه النادي، أنا ابن الأهلي وعمري ما أهاجم النادي ومجلس الخطيب، أنا مكنتش أقصد نهائي".

وأضاف: أنا مقولتش حاجة عشان يقول عليها أسرار، اللي أنا قولته هو اللي كل الإعلاميين قالوه واللي حتى بيان النادي قاله.

وتابع: مجلس الخطيب من أنجح المجالس اللي مسكت الأهلي من حيث البطولات وكل حاجة، لكن فيه أخطاء وده طبيعي.

واستطرد: كل النقط اللي اتكلمت عليها معروفة وما فيهاش أي أسرار ولا أي حاجة، أنا اتكلمت قبل بيان الأهلي.. والحلقة نزلت بعد البيان.

واختتم: أنا مش موجود عشان أدافع عن نفسي.. عمري ما أطلع أستغل فرصة عشان أهاجم الأهلي.